qarmaqshy-tany.kz 2022 жылдың 12 желтоқсан күні Қармақшы аграрлы-техникалық колледжінің оқу залында «Оқуға құштар колледж» жобасы аясында «Тәуелсіздік-келешектің игі мұраты» тақырыбында кітап көрмесі ұйымдастырылды.Кітап көрмесі Қазақстан тарихында тәуелсіздік пен мемлекетіміздің қол жеткізгендегі маңызды кезеңдері туралы, еліміздің тәуелсіздік алған сәтінен бастап, бүгінге дейінгі жүріп өткен жолы туралы ақпарат берді. Студенттерге тәуелсіздіктің тарихы мен оған жетудің ұзақ жолы таныстырылды.Көрмеге еліміздің тарихын баяндайтын, егемендікке жету жолы туралы «Тәуелсіздік идеясы және көркем мәдениет», Е.Ш.Шаймерденовтің «Қазақстан Республикасының Тәуелсіздік рәміздері», Әбіш Кекілбайұлының «Азаттықтың ақ таңы», «Тәуелсіздік толғауы» сериясы бойынша шыққан Ә.Әуелбектің «Болашағына қол созған Қазақстан», Қ.Аймаханның «Тәуелсіздік желтоқсаннан басталады», Қ.Байдәулеттің «Тәуелсіздік тудырған таланттар», М.Жолдасбековтің «Тәуелсіздік тағылымы», Т.Тәшеновтің «Тәуелсіз елдің талайы», Нұртөре Жүсіптің «Егемендік лебі», Мұхтар Шахановтың жұрт жатқа айтып жүрген жырлары және «Көркемсуретті Қазақстан тарихы» Ежелгі дәуірден біздің уақытымызға дейін 4 томдық кітаптары қойылып, білім алушыларға ұсынылды.