Тәуелсіздік- тәңірден келген тәтті сый
Қармақшы ауылдық кітапханасының кітапханашысы Г.Бадырақ Тәуелсіздігіміздің 27 жылдығына арналған «Тәуелсіздік- тәңірден келген тәтті сый» атты мерекелік кеш өткізді. Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 27 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Нұрсұлтан Назарбаевтай көреген саясаткердің ерен еңбегін дәл бүгін және әрқашанда айтып өтеміз.
Тәуелсіздік күні еліміздің барлық азаматтары үшін орны ерекше мереке себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.Оқырмандардың назарына «Тәуелсіздік бастауы-Желтоқсан» атты кітап көрмесі ұсынылды
