«Архив тарих айнасы»

qarmaqshy-tany.kz «Қызылорда облысының мемлекеттік архиві» коммуналдық мемлекеттік мекемесінің «Қармақшы аудандық архиві» филиалы қызметкерлері 22 желтоқсан Архивисттер күніне орай «Архив тарих айнасы» атты көрме ұйымдастырды.

Көрменің мақсаты: «Қызылорда облысының мемлекеттік архиві» коммуналдық мемлекеттік мекемесінің «Қармақшы аудандық архиві» филиалының құрылу тарихын, мекеме ғимараттары, архивисттердің БАҚ-на шыққан мекеме тарихы, жеке тектік құжат иелері туралы мақалаларымен таныстыру.

Көрмеге «Қармақшы аудандық орталықтандырылған кітапханалар жүйесі» КММ, «Қорқыт ата» мемориалды музейі» КМҚК, «Қармақшы аудандық тарихи-өлкетану музейі» кқк-нің мамандары қатыстырылды. Көрмеге архив мекемесінің құрылғандығы туралы, мекеме атауы өзгергендігі жөнінде қаулылар көшірмелері, архив саласында басшылыққа алынатын нормативтік құқықтық актілер, архивисттердің БАҚ-на жарияланған мақалалары, архив басшыларының қызмет барысындағы фотосуреттері қойылды.