«Қызылорда облысының мемлекеттік архиві» коммуналдық мемлекеттік мекемесінің Қармақшы аудандық архиві филиалының жұмыс жоспарына сәйкес Қармақшы аудандық әкімдігіне қарасты дербес бөлімдер ведомостволық архивтеріне «Құжаттардың бірыңғай электрондық архиві» ақпараттық жүйесінде жұмыс жасауға жауапты мамандардың қатысуымен «ЭЛЕКТРОНДЫ ҚҰЖАТТАРДЫҢ БІРЫҢҒАЙ АРХИВІ» АҚПАРАТТЫҚ ЖҮЙЕСІНІҢ ФУНКЦИЯЛАРЫ бойынша тақырыбындағы семинар өткізді.

Семинарды Қармақшы аудандық архиві филиалының архивисті Г.Абиева ашып, қатысушыларға аталған семинардың мақсатын түсіндіріп, құжаттарды сұрыптап Е-Архивке салуға дайындау туралы түсіндіріп жемісті жұмыс жүргізулеріне тілек білдірді.

Өз кезегінде архивист Н.Аяғанов Е-Архив ақпараттық жүйесінде «Істер номенклатурасы» бөліміндегі "Номенклатура құру", "Бөлім қосу", "Іс қосу", "Құжаттарды енгізу" функцияларын архив заңнамаларын негізуге ала отырып түсіндіру жұмыстарын жүргізді.

Семинар барысында қатысушылар қызығушылық білдіріп, өздерін толғандыратын мәселелер бойынша ойларымен бөлісіп, сұрақтар қойып, қойылған сұрақтарға жауаптар алды.

Семинарға қатысушы мамандар бұл ақпараттық жүйе бойынша оқу түсінікті болғанын, енді әрі қарай жұмыстар жүйелі жүргізілетіндігі туралы айтты.