«Архив және болашақ ұрпақ»

ҚР Мәдениет және спорт министрлігі Архив істері және құжаттаманы басқару комитетінің бастамасымен «Архив және болашақ ұрпақ» жобасы аясында 2022 жылдың 21 қыркүйек күні «Қызылорда облысының мемлекеттік архиві» коммуналдық мемлекеттік мекемесінің Қармақшы аудандық архиві филиалында «АШЫҚ ЕСІК» күні өткізілді.

Іс шараға еңбек ардагерлері, мектеп оқушылары және колледждің студенттері қатыстырылды. Қармақшы аудандық аграрлы-техникалық колледж студенттеріне «Ұлы Отан соғысының ардагерлері – архив-қорында» атты лекция оқылса, Ш.Уәлиханов атындағы №26 орта мектеп оқушыларына «Соғыс жылдарындағы балалар үйі» атты сабақ өткізілді. Іс шаранының жалғасы архив мекемесінде мектеп оқушыларына «Ерліктері мен өмірлері өнеге» атты экспозициялық көрме қойылып, аудандық БАҚ өкілдері, аудандық орталық кітапханасының қызметкерлері, еңбек ардагерлері және Ш.Уалиханов атындағы №26 орта мектебінің тәлімгерлерімен мектеп оқушылары қатысты.

Іс шара қортындысында ақ жаулық аналарымызды келе жатқан 1 қазан Қарттар күні мерекесімен құттықтап, сый сияпат көрсетілді. Мектеп оқушыларына еңбек ардагерлірі тілектерін айтып, баталарын берді және естелік суретке түсті.