СЕМИНАР ӨТТІ

Жуырда «Қызылордаоблысының мемлекеттік архиві» коммуналдық мемлекеттік мекемесініңҚармақшы аудандық филиалы ғимаратында архив қызметкерлерінің ұйымдастыруымен «Қағаз тасымалдағыштардағы архив құжаттарын цифрлаудың ерекшеліктері мен өзгешеліктері» атты семинар болып өтті.
Семинарға Қармақшы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі қызметкерлері, Халыққа қызмет көрсету орталығы қызметкерлері және архив қызметкерлері түгел қатысты. Архив қызметкері ақпараттық техналогиялар инспекторы Н.Аяғанов қағаз тасымалдағыштағы архив құжаттарын сандық көшірмеге яғни құжаттарды цифрлаудың маңыздылығын және архив құжаттарының өзімен емес сандық көшірмелерімен жұмыс жасаудың маңыздылығын айтты.
Сонымен қатар 2013-2018 жж. аралығында:

Қармақшы аудандық мәслихаты
Аудандық сот
Қыстақтық кеңес
Аудандық әкім аппараты
Қармақшы аудандық прокуратурасы және т.б. қорлардан 3834 құжат 516335 парақ цифрлық форматқа көшірілгендігін айтып өтті.

Семинар соңында Н.Аяғанов қойылған сұрақтарға жауап беріп, семинарға қатысушыларды жұмыс орнындағы архив құжаттарын сандық көшірмеге өткізіп отырған сканерлерді көрсетіп, архив құжаттарын сандық көшірмеге өткізу ерекшеліктері туралы мәліметтермен қорытындылады.
«Қт» ақпарат