qarmaqshy-tany.kz Адамның өмірі оның ішінде бала өмірінің қауіпсіздігі аса маңызды. Кәмелет жасына толмаған балалардың қауіпсіздігін сақтау және жасөспірімдермен жасалатын құқық бұзушылықтардың алдын алуға бағытталған Қармақшы ауданының полиция бөлімінің кәмелетке толмағандар істері жөніндегі учаскелік полиция инспекторларымен Жастар ресурстық орталығы қызметкерлерімен бірлесіп, түнгі рейдтік шаралар жалғасуда. Жосалы кенті орталығындағы ойын-сауық орталығы, компьютерлік клуб иелеріне сағат 22:00-ден кейін ойын-сауық орындарына жасы кәмелетке толмағандардың болуына тыйым салынғанына түсіндірме жұмыстарын жүргізді.

Қазақстанда заң бойынша кәмелетке толмаған жасөспірімдерге түнгі сағат 22:00-ден таңғы 6-ға дейін ойын-сауық мекемелерінде болуы және түнгі сағат 23:00-ден кейін көшеде ата-анасыз жүруге тыйым салынған.