Жаз маусымы басталып, оқушылар мен студенттер демалысқа шыққан уақыттарында жасөспірімдердің тәртібін қадағалайтын жергілікті полиция қызметі бөлімшесінің жұмысы екі есе көбейеді.

Ағымдағы жылдың 17-20 маусым аралығында өткізіліп отырған «Түнгі қаладағы балалар» жедел-профилактикалық іс-шарасы кезінде рейдтік іс-шаралар жүргізілуде. Рейдтік шарада полиция қызметкерлерімен бірге аудандық Жастар ресурстық орталығының қызметкері Ө.Бижановпен кент орталығындағы барлық ойын-сауық орындарды аралап, кәсіп иелерімен сағат 22:00-ден кейін ойын-сауық орындарына жасы кәмелетке толмағандардың болуына тыйым салынғанына түсіндірме жұмыстары жүргізілуде.

«Ел болам десең, бесігіңді түзе» деп дана халқымыз айтқандай, әрбір ата-ана өз баласының тәртібі мен тәрбиесіне аса мән беріп, бос уақытта немен айналысатынына қатаң бақылау жасап отырса, жасөспірімдер арасындағы құқық бұзушылықтың азаяры сөзсіз.

Құрметті ата-аналар! Баланың бей-берекет түнгі мезгілде көшеде болмауына қадағалау жасауларыңызды сұраймыз.