«Түнгі қаладағы балалар» жедел-профилактикалық іс-шарасы

Қызылорда ОПД-нің нұсқауына сәйкес, 2021 жылдың 24-27 желтоқсан күндері аудан көлемінде «Түнгі қаладағы балалар» атты жедел-профилактикалық іс-шарасы өткізілді. Іс-шараға полиция бөлімімен бірлесіп, прокуратура өкілдері, мектеп мұғалімдері, медицина саласы және жастар ресурстық орталығы қызметкерлеріде рейдтік іс-шараға жұмылдырылды.

Шараның мақсаты – кәмелетке толмаған жасөспірімдердің мезгілсіз уақытта жүруін болдырмау, қылмыс пен құқық бұзушылыққа жол бермеу және жасөспірімдердің құқықтарының бұзылмауын қадағалау. Рейдтік шара барысында жасөспірімдердің жиналатын орындары, ойын-сауық кешендері, дүкендер мен көңіл көтеретін орындардың аумақтары араланды.

Жұмыстар жүргізілу барысында Жосалы кентінде орналасқан ойын-сауық орталықтарында сағат 22:00-ден кейін жүрген жасөспірімдер анықталып, ойын-сауық орталығында болуына жол бергені үшін ҚР ӘҚБтК-нің 132 бабымен ойын-сауық орындарының иелеріне әкімшілік құқық бұзушылық хаттама толтырылса, ал жасөспірімдердің заңды өкілдеріне қатысты ҚР ӘҚБтК-нің 442 бабының 1 бөлігімен кәмелетке толмағандардың түнгі уақытта заңды өкілдерінің еріп жүруінсіз сағат 22:00-ден таңғы 6-ға дейін ойын-сауық мекемелерінде болғаны үшін әкімшілік хаттамалары толтырылды.

Елімізде заң бойынша кәмелетке толмаған жасөспірімдерге түнгі сағат 22:00-ден кейін компьютерлік клубтарда, ойын-сауық орындарында болуға және 23:00-ден кейін көшеде ата-анасыз жүруге тыйым салынған.