Түнгі қаладағы балалар» жедел-профилактикалық іс-шарасы өткізіледі

Қызылорда ОПД-нің нұсқауына сай, Қармақшы ауданы көлемінде 2021 жылдың желтоқсан айының 24-27 күндері аралығында «Түнгі қаладағы балалар» атты жедел-профилактикалық іс-шарасы өткізіледі.

Іс-шараның негізгі мақсаты - кәмелетке толмағандардың арасында және оларға қарсы жасалатын қылмыстарды, оның ішінде жыныстық қолсұғылмаушылық, топтық төбелес, суық қаруды тасымалдау, бопсалау сынды қылмыстардың алдын-алу, ескерту, жолын кесу, сондай-ақ қылмысқа бейім оқушылар мен студенттер арасында құқыққа қайшы іс-әрекеттерге баруына жол бермеу, кәмелетке толмағандарға алкоголь өнімдерін, темекі бұйымдарын сату, олардың түнгі уақытта заңды өкілдерінің ілесіп жүруінсіз ойын-сауық мекемелерінде және тұрғын үй-жайлардан тыс болуы деректерін анықтау, кәмелетке толмағандарды құқық бұзушылық немесе қылмыс жасауға тартатын ересек адамдарды анықтау және кәмелетке толмағандардың тарапынан құқық бұзушылықтардың алдын алу ескерту болып табылады.

Іс-шара аясында рейдтік жұмыстар ұйымдастырылып, полиция бөлімі және білім беру ұйымдарының өкілдерімен бірлесіп, профилактикалық есепте тұратын жасөспірімдермен «Қолайсыз отбасы» есебіндегілерді тұрғылықты мекен-жайларынан профилактикалық бағыттағы тексеру жұмыстары жүргізілетін болады.