qarmaqshy-tany.kz Қазақстан Республикасы ІІМ-нің нұсқауына сәйкес, аудан көлемінде өткізіліп жатқан «Құқықтық тәртіп» жедел-профилактикалық іс-шарасы аясында балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу мақсатында бөлімнің жергілікті полиция қызметі бөлімшесінің ювеналды полиция тобының қызметкерлері рейдтік іс-шара жүргізді. Шара барысында кент орталығындағы компьютерлік клубтар және ойын-сауық орындарын аралап, кәсіп иелерімен сағат 22:00-ден кейін ойын-сауық орындарына жасы кәмелетке толмағандардың болуына тыйым салынғанына түсіндірме жұмыстарын жүргізді.

Қазақстанда заң бойынша кәмелетке толмаған жасөспірімдерге түнгі сағат 22:00-ден таңғы 6-ға дейін ойын-сауық мекемелерінде болуы және түнгі сағат 23:00-ден кейін көшеде ата-анасыз жүруге тыйым салынған.

Қармақшы ауданының Полиция бөлімі

Жергілікті полиция қызметі бөлімшесі