«Мың мамандық бәрі бар, таңдап, талғап бірін ал!» мектеп бітіруші түлектермен кездесу кеші

qarmaqshy-tany.kz Қармақшы ауданындағы №183 орта мектеп базасында №27, №105, №183 мектептерінің ұйымдастыруымен аудандық «Мың мамандық бәрі бар, таңдап, талғап бірін ал!» мектеп бітіруші түлектермен кездесу кеші ұйымдастырылды.

Мақсаты: Мамандық таңдап тұрған оқушыларға бағыт бағдар беру арқылы өз пікірің еркін айтуға, басқаның пікірін сыйлай білуге, жүйелі ойлауға баулу болды. Кездесуге ауданның ел ағалары, апалары атанған ардагерлер мен мекеме басшылары, мамандар, ұстаздар, орынбасарлар, сынып жетекшілер, бітіруші түлектер қатысты.

Кездесу кешінде психологиялық тренинг, мамандықты жарнамалау, «Менің мамандығым» бейнеролик, «Сұрақ - бізден, жауап - сізден» қонақтармен, оқушылармен пікірталас, ұяшықтармен жұмыс, мамандықтар әлеміне шолу шаралары қатысушылардың өз ойларын ортаға салуға, мамандықтарды таңдаудағы бітіруші түлектерге үлкен мүмкіндіктерін ашты.