Мамандық таңдау – жауапкершілікті әрі ма­ңыз­­­ды іс. Мамандық таңдауда әр адам өзінің қы­зығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау да оңай емес. Өз ісіне сенімді, қабілетті, дұрыс таңдау жасаған адам ғана жетістікке жетеді.

Үлкен өмірге аяқ басқан әрбір жастың алдынан мамандық таңдау мәселесі шығады. Мектеп бітіруші түлектерге мамандық таңдауда мүлт кетпеу маңызды. Осы орайда Жанқожа батыр атындағы №269 орта мектеп кітапханашылары Айкүнім Медеубаева мен Бағлан Алпарова 10-сынып жетекшісі Алтынкүл Қаржауованың ұйымдастыруымен «Мың мамандық бәрі бар. Таңдап, талғап бірін ал!» атты кездесу кеші болып өтті. Кештің мақсаты оқушыларға мамандық таңдауда бағыт-бағдар беру. Шара барысында сала мамандарының кеңестерімен бөлісті.

10-сынып жетекшісі Алтынкүл Қаржауова «Маман­дықтар иесі», «Қандай мамандыққа лайықсың», ойындарын ойната отырып, әр оқушының бейімділігін саралады.