Мамандық таңдау –  өте маңызды іс. Өйткені біз өзіміз таңдаған мамандық саласында өмір бойы қызмет атқарамыз. Мамандықтың саны әр алуан. Бірақ бұларды байланыстыратын маңызды фактор – бәрі де халық үшін қызмет атқарады.

№107 орта мектебінде директордың бейіндік оқыту жөніндегі орынбасары Несібелі Қирашованың ұйымдастыруымен 11-сынып оқушылары мен студенттердің кездесу кеші болып өтті. Кездесуге мектеп бітіріп, еліміздің өзге қалаларында грант негізінде оқып жатқан студент жастар шақырылды. Оқушылар «Ой қозғау» айдары арқылы қызықты  сұрақтарын қоя отырып, түрлі  ойындар ойнады.

Кеш соңында бітіруші түлектер «Қонақ кәде» сұрап, жылы лебіздерін білдіріп, өлең оқып, тілек айтты.