Жастар кездесті
Төребай би ауылындағы №199 орта мектепте оқушылар мен студенттер арасында «Асуларды алады жастар әлі, зор болашақ бүгіннен басталады» атты кездесу кеші өтті. Мақсат – бітіруші түлекке мамандық таңдауына бағыт-бағдар беру, оқушы мен студент арасындағы пікіралмасу арқылы өз ойын ашық айтуға баулу.
Шара барысында студенттер өзі таңдаған мамандығы бойынша ойын саралады. Сондай-ақ, мектеп психологі Г.Мұратова «Мамандық таңдауда жеті қадам» тақырыбында психологиялық тренинг өткізді.
– Әр адам болашағы үшін жаны қалаған мамандықты игеруі тиіс. Жасыңда жалында. Оқы. Еңбек ет. Тек дұрыс шешімді қабылдай біл. Ел болашағы – жастардың қолында, – деді мектеп директоры С.Жалғасбаева.
Ж.ҚҰЛДАНОВА,
№199 орта мектеп.
