qarmaqshy-tany.kz 2022 жылдың 13 желтоқсанда «Қызылорда облысының мемлекеттік архиві» коммуналдық мемлекеттік мекемесінің «Қармақшы аудандық архиві» филиалында Ұлы Отан соғысының ардагері және еңбек ардагері Қаратай Қуаңбаевтың туғанына 100 жыл орай Ш.Уәлиханов атындағы №26 орта мектебінің оқушыларына «Қызылқұмның тарланы» атты көрме ұйымдастырылды.

Мақсаты Ұлы Отан соғысы және еңбек ардагері, «Құрмет белгісі» орденінің иегері Қаратай Қуаңбаевтың өмірі мен еңбек жолын жас ұрпаққа таныстыру, Отанды сүюге, еңбек сүйгіштікке тәрбиелеу.

Көрмеге Қ.Қуаңбаевтың өмірі мен еңбек жолы туралы «Өнегелі өмір» атты бейнебаян, «Өмірінің өзі дастан» кітабы, газет беттеріне жарияланған «Халықтың Қаратайы», «Қаратай қадірлі аға еді», «Парасатты басшы, іскер азамат еді» , «Еліңе болдың қамқор, азаматым!» атты мақалалар, «Құрмет белгісі», «І дәрежелі Отан соғысы» ордендері, «Ерлік еңбегі үшін. Владимир Ильич Лениннің туғанына 100 жыл толуы құрметіне», «КСРО Қарулы Күштерінің 70 жылдығы» мерекелік медальдары, Құрмет грамоталары, қызмет барысындағы фотосуреттері қойылды.