Мемлекеттік тіл —Тәуелсіздік символы

qarmaqshy-tany.kz Бүгін аудандық кітапханада Қармақшы Аудандық Мәдениет Бөлімі нің қолдауымен 16 желтоқсан —Қазақстан Республикасының Тәуелсіздігі күніне орай «Мемлекеттік тіл — Тәуелсіздік символы» атты оқырмандар арасында интеллектуалды сайыс өтті. Сайыстың мақсаты — өскелең ұрпаққа тәуелсіздіктің, ана тілінің қадір-қасиетін, оған деген сүйіспеншілігін арттыру, сөздік қорын, ой-өрісін дамыту, тілді қадірлей білуге, патриоттық сезімге баулу. Сайыста III кезең бойынша 12 оқушы қатысып, өздерінің білімділігін, оқу шеберліктерін көрсетті. І кезең — Тәуелсіздік және Тіл бойынша өлеңді жатқа мәнерлеп оқу, ІІ кезең —мақалдың жалғасын табу, ІІІ кезең — сұрақ-жауап. Сайыстың қорытындысы бойынша бас жүлдені қалалық кітапхана оқырманы —Үсенбаев Арнұр, І орын —аудандық кітапхана оқырманы Слам Мәди, ІІ орын—аудандық кітапхана оқырманы Алтынбайқызы Мерей, балалар кітапханасының оқырманы —Зұлқарнаев Азамат, ІІІ орын— қалалық кітапхана оқырманы Төлен Ақтілек, балалар кітапханасының оқырманы Әділова Динара, Ерғабылова Айару иеленді. Сайысқа қатысушы оқырмандарымызға және қонақтарға алғыс айтамыз! Тәуелсіздігіміз тұғырлы, елдігіміз ғұмырлы болсын!