Аудандық кітапхананың ұйымдастыруымен 5 қыркүйек – ҚР-ның Тілдер күні және «Бір ел – бір кітап» акциясы аясында ұлт ұстазы Ахмет Байтұрсынұлының 150 жылдығына орай оқырмандар арасында «Жыл кітабы – 2022» атты көркемсөз оқу байқауы өтті. Байқаудың мақсаты – өскелең ұрпаққа ана тілінің қасиетін, оған деген сүйіспеншілігін, құрметін арттыру, тіл мәдениетінің деңгейін көтеру, ақын шығармаларын насихаттау.
Байқауда 21 оқырман өлең оқып, бақ сынасты. Әділ-қазылардың шешімімен, бас жүлдеге III Интернационал ауылдық кітап- ханасының оқырманы Ақниет Әскербекқызы лайық деп танылса, І орынды Төребай би ауылдық кітапхана оқырманы Әсел Мыңжасарова жеңіп алды. Ақжар ауылдық кітапхана оқырманы Асылзат Сәбитқызы ІІ орынды, аудандық кітапхана оқырманы Ердәулет Орынбасаров ІІІ орынды иеленді. Жеңімпаздар мәдениет және тілдерді дамыту бөлімінің арнайы дипломымен және бағалы сыйлықтармен марапатталды.