«Мобильді ХҚО» қосымшасының мүмкіндігі кеңеюде

qarmaqshy-tany.kz Халыққа тиімді мүмкіндікті арттыру мақсатында Мемлекеттік корпорация ХҚО-ға баруды қажет етпейтін мемлекеттік қызмет көрсетудің қолжетімді және ыңғайлы амалын қолданысқа енгізді. Соның бірі, жеке және заңды тұлғалар үшін «Мобильді ХҚО» қосымшасында ЭЦҚ алу қызметі. Бұл қызмет түрін алу үшін «Мобильді ХҚО» қосымшасына кіріп «бейнеқоңырау» батырмасын басу арқылы ХҚО операторымен байланысып, жеке куәлік пен SMS арқылы келген кодты айтып, өтінім бересіз. Сондай-ақ, аталған қосымшада баланың тууына және бала күтіміне байланысты әлеуметтік төлем тағайындау, көп балалы отбасына жәрдемақы тағайындау, жерлеуге арналған бір реттік төлемдерді тағайындау, тұрғын үй көмегін тағайындау, жылжымайтын мүлікке құқық белгілейтін құжаттың телнұсқасын және жылжымайтын мүлік объектілерінің техникалық паспортының телнұсқасын беру, қандас мәртебесін беру немесе ұзарту және басқада көп сұранысқа ие қызметтер бар. Сонымен қатар, бейнеқоңырау арқылы қызмет алу барысында баж салығын бірден төлей алады.