qarmaqshy-tany.kz «Азаматтарға арналған үкімет» мемлекеттік корпорациясы Халық Банкімен бірлесіп, blockchain технологиясы арқылы жылжымайтын мүлікті кепілден шығару қызметін қолданысқа енгізді. Банк тұтынушылары жылжымайтын мүлкін ХҚО-ға бармай-ақ кепілден шығара алады. Азаматтар мүлікті кепілден шығару бойынша өтінімді «Halyk Homebank» мобильді қосымшасында рәсімдеп, төлем жасай алады. Қазіргі таңда, мемлекеттік корпорацияның екінші деңгейлі банктермен ынтымақтастығы аясында азаматтар тұрғылықты жері бойынша тіркелу, автокөлікті қайта ресімдеу, жүргізуші куәлігін ауыстыру, мемлекеттік әлеуметтік жәрдемақы, туу туралы куәлік және басқа да қажетті қызметтерді үйлерінде отырып алуларына мүмкіндік жасалған.