qarmaqshy-tany.kz Қазақстан Республикасының Президенті Қасым Жомарт Тоқаевтың «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығына сәйкес, Қармақшы ауданы және Жосалы кенті әкімдерінің кент тұрғындарымен кездесуі болып өтті.

Күн тәртібіне сәйкес, Жосалы кентінің әкімі Ш. Сыдықов кент бойынша 2022 жылдың 11 айында атқарылған жұмыстардың барысын, аудан әкімі Ә.Ерсұлтанов «Ауданның әлеуметтік экономикалық даму қорытындылары туралы» оның ішінде алдағы уақытта Жосалы кентінде жүргізілетін құрылыс, абаттандыру жұмыстары жайлы баяндады.

Жиналыс барысында қойылған ұсыныс, сауалдарға аудан әкімі нақты мәліметтер мен мәселенің шешілу жолдары туралы толық ақпарат беріп, сауалдарына тұщымды әрі түсінікті жауап алған тұрғындар ризашылықтарын білдіріп, жұмыстарына сәттілік тіледі.