Еркін форматта, ашық пікір алмасу кездесуі өтті
Бүгін, аудандық «Жыраулар үйінде» Қазақстан Республикасының Президенті Қасым Жомарт Тоқаевтың «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығына сәйкес, Жосалы кенті әкімінің міндетін атқарушы А.Досмұратов кент тұрғындарымен еркін форматта, ашық пікір алмасу кездесуін өткізді.
Кездесу барысында Жосалы кенті әкімшілігінің 2022 жылдың ІІ-тоқсанында жоспарланған жобалар мен негізгі атқарылған жұмыстарға тоқталды.
Бұдан кейін тұрғындардың ұсыныстар мен сауалдарына Алмасхан Әріпханұлы жауап беріп, қойылған мәселелер бойынша қабылданатын жобалардың шешу жолдарын түсіндіріп, халықты ақпараттандырды.
Жиналысқа қатысушы тұрғындар Жосалы кенті әкімшілігінің алты айда атқарған жұмысын жоғары бағалап, үлкен сеніммен алдағы жұмыстарына сәттілік тіледі.
