«Әкімдердің халықпен кездесулерін өткізу туралы» Қазақстан Республикасы Президентінің 2022 жылғы 3 наурыздағы №826 Жарлығына сәйкес, ауылдық округ әкімі Нұрлыбек Сайымов ағымдағы жылдың ІІ тоқсанындағы атқарылған жұмыстары жөнінде ауыл тұрғындарымен кездесіп, есеп берді.

Жиында кәсіпкерлікті дамыту, бақша егу жұмыстарын жандандыру, салық түсімдерін және мал басын көбейту бағытындағы жұмыстар слайд арқылы көрсетілді.

Сондай ақ, кездесуге Қармақшы ауданының полиция бөлімінің ЖПҚ бөлімше бастығы Е.Палжанов қатысып, тұрғындар тарапынан қойылған сұрақтарды назарға алып, ауыл әкімімен бірлесіп жұмыс жасалатындығын жеткізді.

Жиын соңында тұрғындар ауыл әкімінің ІІ тоқсанда атқарған жұмыстарына жақсы деген баға беріп, алдағы жоспарлы жұмыстарына сәттілік тіледі.