Жасөспірімдердің тәртібі талқыланды
qarmaqshy-tany.kz Аудан әкімінің орынбасары Жұлдызхан Байназарұлының төрағалығымен аудан әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кезекті отырысы өтті.
Оған комиссия мүшелері, құқық қорғау органдарының басшылары қатысты. Отырыстың күн тәртібіне сәйкес аудандық полиция бөлімінің Жергілікті полиция қызметі бөлімшесінің аға инспекторы Гүлмира Исмайлованың, «Қамқоршылық, қорғаншылық мәселесі бойынша атқарылған жұмыстар туралы» аудан бойынша білім бөлімінің қорғаншылық және қамқоршылық жөніндегі функцияларды жүзеге асыратын органының маманы Н.Сарымсақовтың, «Жасөспірімдер арасында нашақорлық, алкоголизм, шылым шегу, уытқұмарлықтың алдын алу шаралары туралы» аудандық емхана бас дәрігерінің орынбасары П.Сарыбаева және аудандық білім бөлімінің әдіскері А.Тоқшылықованың баяндамалары тыңдалды.
Отырыста қаралған мәселелерге орай комиссия мүшелері өздерінің ұсыныс-пікірлерін ортаға салды. Мәжіліс соңында аудан әкімінің орынбасары Ж.Ерқосаев комиссия мүшелерінің қозғалған мәселелер жайлы ойын тыңдап, алда атқарылатын жұмыстар бойынша тиісті сала басшыларына нақты тапсырмалар берді.
«Қт» ақпарат
