qarmaqshy-tany.kz С.Есқараев атындағы №27 орта мектебінде 22 қараша күні Қызылорда облысының білім басқармасы «Қызылорда облысының білім беру ұйымдарында құқық бұзушылықтың алдын алуды түсіндірудің бірлескен жұмыс жоспарының» тапсырмаларына сәйкес сәйкес балалар мен жасөспірімдердің өмірі мен денсаулығының қауіпсіздігін сақтау, зиянды әдеттерден сақтандыру, құқық бұзушылықтың алдын алу бағытында түсіндіру жұмыстары жүргізіліп, ақпараттандыру – әдістемелік көмектер беру мақсатында 8 - 11 сынып оқушылары арасында сала мамандарымен кездесу өткізілді. Жиналысқа аудандық білім бөлімінің әдіскері Тоқшылықова Ақтолқын, аудандық Жастар денсаулығы орталығының психологі Әмина Кетебаева, аудандық психоәлеуметтік кеңес беру кабинетінің дәрігері Балмаханова Айткүл, аудандық Жастар орталығының басшысы Пірназаров Нұржұман, АПб – нің ЖПҚб – нің ЮПт – ның инспекторы полиция аға лейтенанты Әлімбаев Мақсат қатысып, өз салалары бойынша оқушыларға түсіндірме жұмыстар жүргізіп, жаднамалар таратты және бейнероликтер көрсетіліп, оқушылардың пікірлері тыңдалды. Оқушылар өздерінің сұрақтарын қойып, тұщымды жауаптарын алды. Ақпарттандыру жалғасын табады.