Құқықтық түсіндірме жұмысы жүргізілуде

qarmaqshy-tany.kz Мобильді топ елді мекендердегі білім беру ұйымдарында құқықтық түсіндіру шараларын жүргізуде. Бүгін Қармақшы ауданының Полиция бөлімінің Жергілікті полиция қызметі бөлімшесінің қызметкерлері, аудандық білім бөлімінің маманы, аудандық емхана дәрігерінің қатысуымен Дүр Оңғар ауылдық округіндегі №107 орта мектеп, ІІІ Интернационал ауылдық округі №108 орта мектептің 8-11 сынып оқушыларымен кездесу жиынын өткізіді. Кәмелетке толмағандар арасында құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық-зомбылық, ерте жүктіліктің алдын алу бағытында құқықтық түсіндірме жұмыстары жүргізілді.

Жиында құқықтық сауатсыздық, өз құқығы мен міндетін білмей, басқаның құқын сыйламаудың кесірінен әртүрлі келеңсіз жағдайларға кезігіп қалудың мүмкін екендігін, қылмыстың қоғамдағы зияны мен адам тағдырын адастыратыны жайлы, сондықтан құқықтық тәрбиені санаға сіңіріп, әркім өзінің жеке басын және қасындағылардың жеке басын құрметтеу керек екені айтылса, дәрігерлер тарапынан салауатты өмір сүру салты, зиянды әдеттерден бойды аулақ ұстау, жеке бастың тазалығы жайлы айтылды.

Жиында оқушылар арасында сұрақ-жауап ұйымдастырылып, олар өз тарапынан пікірлерін білдіріп, құнды ақпараттар алғанын жеткізді.