Тұңғыш рет таңдау жасадым
qarmaqshy-tany.kz Кент тұрғыны Мерей Әлімбеков сайлауда алғаш рет дауыс беруде. Ол №97 сайлау учаскесінде өз таңдауын жасады. Жақында ғана Алматы қаласында Отан алдындағы борыныш адал атқарып келген азамат болашағымыздың жарқын болатынына сенемін дейді.
– Кәмелет жасқа толғалы алғаш рет таңдау жасап отырмын. Мен үшін өте маңызды қадам болды. Елдегі саяси өзгерістерді үнемі бақылап отырамын, әрі өзім де оған үлесімді қосқым келеді. Сондықтан да ел азаматы ретінде ерте келіп таңдау жасауым қажет деп шештім. Елімізде амандық, бейбітшілік болсын! Бұл таңдау – біздің болашағымыз, -дейді 19 жасар Мерей Нұрланұлы.
