Алғашқы сайлаушы өз таңдауын жасады
qarmaqshy-tany.kz Бүгін елімізде ҚР Президентінің кезектен тыс сайлауы өтуде. №97 сайлау учаскесінде алғашқылардың бірі болып, жеке кәсіпкер Әлжан Төремаханов өз таңдауын жасады.
— Мен саяси науқанда бірінші болып таңдау жасағаныма қуаныштымын. Өзім қалаған кандидатқа дауыс бердім. Еліміздің болашағы жарқын болуы үшін кент тұрғындары өз таңдауларын дұрыс жасайды деп сенемін, – дейді кент тұрғыны Әлжан Төремаханов.
Алғашқы сайлаушыға №97 сайлау учаскесінің төрағасы сый табыстады.
Айта кетейік, бүгінгі ҚР Президентінің кезектен тыс сайлау күніне орай Жосалы кенті ішінде жүретін №1 және №2 бағыттардағы маршруттарда жол жүру тегін.
