Алғашқы сайлаушыға сыйлық табысталды

Бүгін Қармақшы ауданына қарасты Жосалы кентінде кент әкімін сайлау басталды. Сағат 7.00-де ашылған №99 сайлау учаскесіне ең бірінші болып кент тұрғыны, №250 мектептің техникалық қызметкері Мирамкүл Бегалиева дауыс берді.
– Тәуелсіз ел болғанымыздың арқасында ел тізгінін ұстар азаматты өзіміз таңдап отырмыз.  Кенттің  келешегіне алаңдайтын адам жеңімпаз болса екен тілегім бар. Мен де ертемен келіп өз таңдауымды жасадым. Кентіміз көрекейе берсін, – дейді ол.
Ең бірінші болып дауыс берген тұрғынға №99 сайлау учаскесінің төрағасы Гүлжахан Мұнарбаева сыйлық табыстады.
Еске салайық, бүгін Жосалы кенті әкімінің сайлауы өтуде.