Бүгін Жосалы кентінде кент әкімін сайлау өтуде. Сағат 7.00-де ашылған №97 сайлау учаскесіне ең алғашқылардың бірі болып кент тұрғыны, медбике Ләззат Ермаханова дауыс берді.
– Бүгін жосалылықтар үшін маңызды күн десем де болады. Себебі кент әкімінің сайлауы өтуде. Елдің болашағы біз үшін маңызды. Сондықтан сайлауға бей-жай қарауға болмайды. Отбасымызбен үш үміткердің біреуін таңдап, дауыс берудеміз. Бәрі ойдағыдай өтуде, – дейді ол.
Алғашқылардың бірі болып дауыс берген тұрғынға арнайы сыйлық табысталды.
Еске салайық, бүгін Жосалы кенті әкімінің сайлауы өтуде.