Алғашқылардың бірі болып дауыс берді
№100 сайлау учаскесінде ең алғашқы болып дауыс берген Асылбек Штатбаев бізге пікірін айтқан болатын. Онда ол бүгінгі саяси науқанның маңыздылығын айтып, барша кент тұрғындарын белсенді болуға шақырды. - Бүгінгі сайлауға түсіп жатқан үш азамат та халыққа таныс. Кімнің асығы алшысынан түссе, сол әкім болады. Енді елдің тілегі бір. Кім келсе де халқына жаны ашитын, жұмыс істейтін, елмен етене араласып жағдайын сұрап тұрса бізге соның өзі үлкен қуаныш. Үміткерлерге сәттілік серік болсын, биіктен көрініп, халықтың сенімінен шығуына тілектеспін, - деді ол.
Еске салайық, бүгін Жосалы кенті әкімін сайлау науқаны өтуде.
