Еңбек ардагері жаңа баспаналы болды

qarmaqshy-tany.kz Бүгін Дүр Оңғар ауылында облыстық мәслихат депутаты Орынбасар Төлепов басқаратын "Жаңажол" ЖШС демеушілігімен 2 және 3 дәрежелі "Еңбек Даңқы" орденінің иегері, Қармақшы ауданының Құрметті азаматы, данқты тракторшы Бибігүл Әбішеваға салынып берілген тұрғын үйдің лентасын қию рәсімі өтті.

Салтанатты шарада аудан әкімінің орынбасары Жұлдызхан Ерқосаев құттықтап сөз сөйлеп, ел ардақтысы Бибігүл апайға ақ жарма тілегін арнап, ыстық ықыласын жеткізсе, содан соң сөз алған мемлекет және қоғам қайраткері Бақберген Досмамбетов, облыстық мәслихат депутаты Шакизада Әбдікәрімов, шаруашылық басшысы Орынбасар Төлеповтер құттықтау сөз сөйлеп, жаңа тұрғын үйдің лентасын қиды.

Шара барысында ауыл тұрғындары да Бибігүл апайымызға ақ тілектерін арнап, жүрекжарды жылы лебіздерін білдірді.