Алматы облысы Кеген ауданындағы тау көшкіні қазірдің өзінде 50 млн текше метр аумақты қамтып отыр. «Осыншама ауқымды лай көшкіні бұл өңірде соңғы 1 ғасырда болмаған», – дейді мамандар. Тау бөктерінің опырылуына осы өңірде жиі болатын жер сілкінісі мен толассыз жауған жауын-шашын себеп. Көшкін салдарынан Көлсайға баратын жалғыз жол жабылып, электр желісінің 500 метрі зақымданған. Көшкін екпіні бәсеңдегенімен, сары топырақ сайда ағып жатқан өзенге жақындап қалды. Алайда ауыл тұрғындарның алаңдауына негіз жоқ. Мамандар күндіз-түні жағдайды қатаң қадағалап, 70-ке жуық жол жөндейтін арнайы техниканы әзірлеп қойған. Тоқтар Баймолдаев, «Қазселденқорғау» ММ басшысы: – Саты елді мекеніне ешқандай қауіп жоқ. Өйткені Саты елді мекені биікте орналасқан.