Сібір суығы Апеннин түбегін де жайлады.

Соңғы аптада Еуропаның көп бөлігіндегі күннің күрт суытуы Италияға да жетіп, қалың қар жауды. Ел астанасы Римде аяз тұрып, елдің солтүстігінде сынап бағанасы минус 35 градусқа дейін төмендеді. Осыған байланысты жергілікті балабақшалар мен мектептер уақытша жабылды. Биліктің мәлімдеуінше, мұндай аяз соңғы рет 6 жыл бұрын болған. Ол кезде 30 адам көз жұмған. Ал синоптиктер күннің күрт суытуына Сібірден келген циклон себеп деп отыр. Жергілікті тұрғындар оған тіпті «Сібір бораны» деп ат та қойып үлгерген. Елдің оңтүстігіндегі Неаполь қаласында да соңғы жарты ғасырда алғаш рет қар түсіп, аяз тұрды. Ауа райының қолайсыздығынан ұшақ сапарлары кейінге шегерілді. Ал синоптиктер қазіргі күн райы тағы 1-2 күн жалғасуы мүмкін деп отыр.