Жапонияда да жағдай оңып тұрған жоқ.
Елдің оңтүстік бөлігінде лай көшкіні жүріп, 3 үйді басып қалды. Салдарынан бір адам қаза тапты. Бесеуі із-түзсіз жоғалып кеткен. Оларды іздеу құтқару операциясы басталды. Мәліметтерге қарағанда, табиғи апат Ябакэй ауылындағы курортты аймақта жергілікті уақытпен таңғы үш жарым кезінде болған. Бұл уақытта адамдар шырт ұйқыда жатқан. Сондықтан жоғалған жандар қиранды астында қалып қойды ма деген күдік басым. Әзірге лай көшкініне не себеп болғаны белгісіз. Өйткені таулы аймақта жауын-шашын да, жер сілкінісі де тіркелмеген.