Басқарма басшысы білім ұйымдарын аралады
qarmaqshy-tany.kz Облыстық білім басқармасының басшысы М.Шермағанбет Байқоңыр қаласы, Төретам кенті, Ақай ауылдық округі тұрғындарымен кездесіп, жеке қабылдау өткізді.
Келушілер Байқоңыр қаласында орналасқан қазақ орналасқан қазақстандық білім мекемелерінің Ресей әкімшілігіне төленетін коммуналдық төлем бағасы, қала ішінде қазақстандық балабақшалар санын көбейту, Ақай ауылындағы балаларға арналған оқу түзету орталығын ашу және жұмысқа орналасу бойынша мәселелерін айтты. Жеке қабылдаудан соң Мейрамбек Зинабдинұлы Байқоңыр қаласы Ресей әкімшілігінің орынбасары, қалалық білім бөлімінің басшысымен кездесіп, білім саласындағы мәселелерді талқылады. Мұнан кейін басқарма басшысы қаладағы бірнеше білім беру мекемелерін аралады. No19 «Ивушка», «Василек» балабақшалары мен No274 орта мектептің материалдық- техникалық базасымен танысты. Сондай-ақ, Төретам кентінде орналасқан No85 орта мектептің күрделі жөндеу жұмысын көріп, сапалы түрде аяқтау үшін тиісті тапсырмалар берді.
«Қт» ақпарат
