qarmaqshy-tany.kz Бүгін аудан әкімі Әділбек Ерсұлтанов Жаңажол ауылы халқымен кездесуінде ауданның әлеуметтік-экономикалық көрсеткіштеріне тоқталып, барлық салада оң тенденция қалыптасып отырғанын айтты.

Сондай-ақ, елді мекенді газдандыру мәселесінде ең алдымен осы ауылдың үлесі жоғары болатынын тілге тиек етті.

Өйткені «Жаңажол»ЖШС-нің директоры О.Төлеповтың өз қаражаты есебінен газ құбыры құрылысы жұмыстарына жобалық сметалық құжаттама рәсімделіп, 2023-2024 жылдары республикалық бюджеттен қаржы бөлуге өтінім тапсырылғандығын жеткізді.

Сонымен қатар ауылдық округке денешынықтыру сауықтыру кешені мен дәрігерлік амбулатория салу мүмкіндіктері қаралып жатқандығын білдірді.

Сонымен бірге Жаңажол ауылы әкімі өз кезегінде тұрғындарға ауылдық округ бойынша ағымдағы атқарылған жұмыстар жөнінде баяндады.

Тұрғындардың тыныс-тіршілігімен жақын танысып, олардың тарапынан жасалған сауалдарға аудан әкімі тұщымды жауаптар берді.

-Елді мекендегі тұрғындар көтерген мәселелерді шешу қашан да күн тәртібінен түспейді, оларды өзектілігіне қарай оң шешімін табу бағытындағы жұмыстарды кезең-кезеңімен шешу жағын қарастырамыз,-деді аудан әкімі.