Қара шаңырақты "Қызғалдақ" балабақшасына - 60 жыл!

qarmaqshy-tany.kz Қармақшы ауданы, Тұрмағамбет ауылында мектепке дейінгі білім және тәрбие беруде өзіндік үлесі бар №8 «Қызғалдақ» балабақшасының 60 жылдық мерейтойы аталып өтті.
Аталмыш шараға аудан әкімі Әділбек Ерсұлтанов, аудандық ардагерлер кеңесінің төрағасы Асқар Мереков және аудандық мәслихат хатшысы Әділ Қошалақов қатысып, ауыл тұрғындарын, ұжым мүшелерін мерейтоймен құттықтап, ақжарма тілектерін білдірді.
Сондай-ақ мерейлі шара барысында балауса бүлдіршіндердің әні мен биі жарасым тауып, көпшілік қауымды қуантса, балабақша ұжым мүшелерінің қолөнер бұйымдарынан жасалған көрме ұйымдастырылды.

Сонымен қатар аудан әкімі Әділбек Бөрібайұлы осы салада ұзақ жылдар бойы қызмет атқарған, №8 «Қызғалдақ» балабақшасының білікті басшысы, қазіргі күні зейнет жасындағы ұлағатты ұстаз, ардақты ана Қаражанова Жанаркүл Байназарқызын Мемлекет басшысының Жарлығына сәйкес «Ерен еңбегі үшін» медалімен марапаттап, ардагер ұстазға құрмет көрсетіліп, сый-сияпат табыстады.