Бидайға алғашқы орақ түсті

ЖУЫРДА ДАУЫЛКӨЛ АУЫЛДЫҚ ОКРУГІНДЕГІ "ТҰРМАҒАМБЕТ" ЖАУАПКЕРШІЛІГІ ШЕКТЕУЛІ СЕРІКТЕСТІГІНІҢ ЕГІН АЛҚАБЫНДА БИДАЙҒА АЛҒАШҚЫ ОРАҚ ТҮСТІ.

Алғашқы орақ салу рәсіміне аудан әкімі Әділбек Ерсұлтанов, аудандық мәслихат хатшысы Әділ Қошалақов, аудандық ардагерлер кеңесінің төрағасы Асқар Мереков және ауыл ақсақалдары мен диқандар қауымы қатысты. Аудан басшысы өңірдің экономикалық дамуында ауыл шаруа шылығының алатын орны ерекше екенін тілге тиек етіп, жыл сайын егіннен мол өнім жинап, ауданның мерейін тасытып жүрген «Тұрмағамбет» ЖШС диқандарына алғысын білдіріп, алдағы жұмыс тарына сәттілік тіледі. Сондай-ақ аудандық ардагерлер кеңесінің төрағасы А.Мереков пен ауыл ардагерлері ізгі тілектерін жеткізіп, ақ батасын берді. «Тұрмағамбет» ЖШС биыл 1700 гектар күріш дақылын, 50 гектар жаздық бидай, 267 гек- тар жоңышқа дақылын, 301 гек- тар ескі жоңышқа, 237 гектар мақсары орналастырды. Бүгінгі таңда ауыл бойынша егін орағына қатысатын 28 трактор, «МагДон» (жатка) 5 дана, комбайн 6 дана, 12 дана арнайы техника, 22 трактор тіркемесі толықтай жөндеуден өткізіліп, егіс алқаптарында жұмыс атқаруда.

«Қт» ақпарат