Ел ағасына құрмет көрсетілді

Аудан әкімі Әділбек Ерсұлтанов ауданның «Құрметті азаматы» Әбдрахман Құлдүйсеновті арнайы қабылдап, 75 жылдық мерейтойымен құттықтады.

Ел ағасы болған Әбдрахман Құлдүйсенов мемлекеттік қызметте өтпелі, қиын кезеңде басшылық қызметтерді абыроймен атқарып, елдің дамуына өзіндік үлесін қосқан белгілі азамат.

Сонымен қатар «Қазақ тілі» қоғамы аудандық филиалының төрағасы және аудандық аумақтық сайлау комиссиясының құрамында төраға қызметтерін атқарды.

Іс-шара барысында аудан әкімі мерейтой иесіне құттықтау хат тапсырып, қазақы дәстүрге сай иығына шапан жауып, құрмет көрсетті.

Мұнан соң аудандық мәслихат хатшысы Әділ Қошалақов, аудандық ардагерлер кеңесінің төрағасы Асқар Мереков және ауданның бірқатар аға буын өкілдері құттықтап, жылы лебізін жеткізді.