Мемлекеттік бағдарлама игілігі

qarmaqshy-tany.kz Ақжар ауылдық округі бойынша "Ұлттық жоба" шеңберінде бизнес-идеяларды іске асыруға арналған қайтарымсыз қаржыны 1-4 лек аралығындағы конкурсқа 24 азамат қатысқан болатын.

Осы азаматтардың ішінде "Жихаз жасау", "МІҚ мал басын көбейту", «Песка блок цехы», «Кеңселік қызмет және суретке түсіру», «Сән салоны», «Кілем жуу» жобалар бойынша, 8 азамат байқауға қатысып жобаларын қорғап шықты.

«Кеңселік қызмет және суретке түсіру» ашу жобасы бойынша жас кәсіпкер Әлиев Қанат кәсібінің ашылу шарасын жасады. Ауыл әкімі Нұржамал Бектайқызы кәсіпкерді қолдау мақсатында, бос ғимарат ұсынып, жаңадан кәсіп бастап жатқан азаматқа сәттілік тіледі. Шараға ауыл тұрғындары, басқа да грант жеңімпаздары қатысты.

Кәсіптің кеңейуі – болашақ отбасының, елдің қазынысының толуының кепілі. Еңбек етемін деген азаматтарға сәттілік тілейміз!