Құрметті аудан тұрғындары!

qarmaqshy-tany.kz  Қазақстан Республикасының Ұлттық мерекесі – 25 қазан Республика күнімен құттық таймын!

Ұлытау төріндегі Ұлттық құрылтайдың бірінші отырысында Мемлекет басшысы Қасым-Жомарт Тоқаев 25 қазан – Республика күні мәртебесін қайтаруды ұсынған болатын. Бұл күн – ата-бабамыз аңсаған арманның жүзеге асқан, елімізге еркіндік сыйлаған Ұлы күн. Елдіктің еңселі рухы, бірліктің биік байрағы бар елде егемендік мерекесін Ұлттық мереке ретінде атап өтудің маңызы айрықша.

25 қазан – Республика күні қарсаңында қасиетті Қармақшы жерінде даңқты шайыр Тұрмағамбет Ізтілеуұлының 140 жылдығы және дәстүрлі «Алтын дән» мерекесі тұспа-тұс келіп отыр. Назым сөздің шебері атанған тау тұлға ақынның дүбірлі тойы мен дала диқандарының еңбегі еселенген мерейлі күн – өнер мен өнегенің, еңбек пен ерліктің тойы баршаңызға құтты болсын!

Бостандық пен еркіндіктің бастауы болып табылатын осы салтанатты күні әр отбасына бақ-береке, ырыс-несібе тілеймін!

Ел төрінде береке мен бірлік, тыныштық пен тұрақтылық салтанат құрып, келешегіміз кемел, болашағымыз жарқын болсын. Қазақстанның тұрақты дамуы мен кемелденуі жолындағы еңбектеріңіз табысты, барлық бастамаларыңыз сәтті болсын!