qarmaqshy-tany.kz 2001 жылы еліміздің мерекелер туралы қабылданған Заңында 25 қазан мемлекеттік, яғни Республика күні болып бекітілді. Ал 2009 жылы бұл Заңға өзгертулер енгізіліп, Республика күні мемлекеттік мерекелер қатарынан алынып тасталған еді.

Осы жылы Ұлытауда өткен құрылтайда мемлекет басшысы Қасым-Жомарт Кемелұлы Тоқаев: "Ұлттық мерекелер мен атаулы күнтізбегіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан, қазанның 25-і күні жыл сайын Егемендік күнін еліміздің басты мерекесі ретінде атап өтуіміз керек"- деген мәлімдеме жасады.

Еліміздегі басты мереке - Республика күнін атап өту және балаларға өз елін, жерін жетік біліп, Отанын шексіз сүюге үйрету мақсатында Кент кітапханасы "Мәңгілік ел -Қазақстан" атты кітап көрмесін ұйымдастырып, оқырмандар назарына ұсынуда.