qarmaqshy-tany.kz Аспаз деген өте жоғары, дәрежелі мамандық. Бұл мамандықтың қиындығы сонда, аспаздықты тек оқу арқылы игеріп кете алмайсыз, оған адамның бойында осы керемет мамандыққа деген бейім, қызығушылығы және дарыны болуы керек.

20 қазан күні Қармақшы аграрлы –техникалық колледжінде 25-қазан Република күніне орай «Аспазшылар» күнін атап өту мақсатында

«Тамақтандыруды ұйымдастыру» мамандығының студенттерімен ұйымдастырылған «Тәттіден қол үзбейік!» атты жәрмеңкесі болып өтті. Жәрмеңкені «Тамақтандыруды ұйымдастыру» мамандығының оқытушылары Н.Төреахметова, С.Танатова және Г.Алиевалар ұйымдастырды.

Мақсаты: Студенттерді аспаз мамандығының қыр-сырымен таныстыру;

Студенттерге аспазшының кәсіби қасиеттері, оның жұмысының мазмұны туралы түсінік беру, «Аспазшы» күнін атап өту.

«Тәттіден қол үзбейік!» атты жәрмеңке екі бөлімнен болды:

1 бөлім - «Ой мен ойын» - сұрақтарға жауап беру (студенттер допты лақтыру арқылы доптағы сәйкес келген нөмердегі сұрақтарға жауап береді).

Бұл бөлімде болашақ амандықтары бойынша танымдық сұрақтар дайындалып , білім алушылардың ұшқыр ойы сараланды.

2 бөлім - «Тәттіден қол үзбейік!» - жәрмеңке.

Жәрмеңке қызықты, сәтті өтті. Жәрмеңкеге болашақ аспазшылар өз қолдарынан дайындаған тәттілері мен пісірмелерін әкелді және сатылды.

Болашақ кәсіби маман иелеріне мамандықтарына қатысты іс-шаралар жалғаса берсін деген қорытынды жасалды.