2 сәуір - Бүкіләлемдік аутизм туралы ақпарат тарату күні

Қармақшы аудандық психологиялық-педагогикалық түзету кабинетінде 2 сәуір-Бүкіләлемдік аутизм туралы ақпарат тарату күніне байланысты «Аутист балалардың ерекшеліктері мен оларға психологиялық көмек беруді ұйымдастыру» атты кеңес беру іс-шарасы болып өтті.

Іс-шараның мақсаты: Аутизм туралы бастапқы білім беру. Аутизмге шалдыққан балалардың ерте диагностика, оңалту инклюзивті білім беру және әлеуметтік өмірге бейімделуіне ықпал жасау, диагноз алғаннан бастап қоғамдағы жеке өміріне дейін өмір сапасын арттыру үшін ата-аналарды ақпараттандыру, кеңес беру.

Іс-шараға: ата-аналар, ерекше балалармен жұмыс жасайтын мектеп мұғалімдері, арнайы білім саласы мамандары қатысты.

Кеңес беру жас маман Шорманова Балнұрдың ұйымдастыруымен танысу тренингімен басталып, баяндама, слайд-шоу, бейнеролик, сұрақ-жауап, пікір алмасу әдістері арқылы өрбіп, тақырыпқа сай ақпараттандырылды. 

Тақырып аясында ата-аналар өз көкейінде жүрген сұрақтарға жауап алды. 

Қорытындылай келе ППТК мекеме басшысы: Ляззат Султанбеқызы іс-шараға келген кеш қонақтарымен пікір алмасып, өзінің жылы лебізін білдірді.