Байқоңыр қаласы мен Төретам кентін және аудан орталығы мен барлық елді мекендегі мектептердің арнайы білім саласының мамандары, логопед, дефектолог және психолог мамандары қатысуымен өткен шарада аудандық психологиялық-педагогикалық түзету кабинетінің меңгерушісі Ләззат Мусаева қатысушыларды кабинет базасымен таныстыра келе, мекеме бойынша бала тәрбиесі аясында атқарылып жатқан жұмыстарды саралады. 
     Семинар жұмысы одан әрі емдік дене шынықтыру нұсқаушы Р.Абдраманның  «Тірек-қимыл аппараты бұзылған балаларға арналған емдік дене жаттығулары» атты  жеке сабағымен және педагог-психолог маманы М.Өтебасованың «Мен зейінді баламын» тақырыбындағы топтық сабағына жалғасты. 
Семинар барысында логопед маман М.Жусупова «Ж дыбысын буында, сөзде және сөйлемде машықтандыру. Жабайы жануарлар» атты және А.Тілеуованың «Дифференцация звука Р и Л» тақырыбындағы жеке сабақтар өткізілсе, педагог –дефектолог маманының «Түзете-дамыту ойындары арқылы мүмкіндіктерін жетілдіру» топтық сабағы мен әлеуметтік педагог «Аяқ киім түрлерімен танысу» тақырыбындағы жеке сабағы көрсетілді.  
Семинарда оған қатысушылар өз пікірлерін ортаға салып, ойларын ортаға салды.