«ШАБЫТТЫҚ» өрендер жеңіс төрінде
qarmaqshy-tany.kz Қызылорда қаласындағы А.Тоқмағанбетов атындағы мәдениет үйінде Балалар жылы аясында «Juldyz Star» атты облыстық өнер байқауы өтті. Өнер бәйгесіне облыс көлемінде соңғы жылдары ашылған өнер және шығармашылық орталықтың оқушылары қатысты.
балалар мен жасөспірімдердің шығармашылық қабілетін шыңдап, өнерге қызығушылығын қалыптастыруда осы жылдың ақпан айынан бастап «Шабыт» үйірме орталығы жұмыс істеп келеді. Байқауда аудан намысын қорғап, жеңімпаз бен жүлдегерлер қатарынан А.Жанпейісов атындағы No105 мектеп-лицейінің оқушылары табылды. Атап айтар болсақ, «Мәнерлеп оқу» сайысы бойынша Кәусар Ысқақ гран-приді қанжығасына байласа, Азамат Зұлқарнаев І орынды иеленді. Ал «Сурет салу» сайысынан Еркеназ Нұрланова мен Зухра Жұмағалилар І орын, «Қолөнер» сайысынан Гүлсім Мажитова І орын, Нұргүл Сейтбекқызы ІІ орынды еншіледі.
