Тілдер апталығының ашылуы
2022 жылдың 26-қыркүйек күні Академик С.А.Джиенкулов атындағы Байқоңыр жоғары колледжінде қазақ,орыс,ағылшын тілі оқытушыларының ұйымдастыруымен "Ахмет Байтұрсынұлы- ұлттың рухани көшбасшысы" атты тілдер апталығының ашылу салтанаты болып өтті.
Мақсаты-қазақ халқының әлеуметтік, саяси, мәдени, тарихи өмірінде орны айрықша зор тұлға - Ахмет Байтұрсынұлының халықтық тәлім -тәрбиелік ойларының негізінде оқушылар бойына адамгершілік, ұлтжандылық, Отансүйгіштік қасиеттерді дарыту; ақын, қоғам қайраткері, педагог -ұстаздың құнды мұраларын дәріптеп, жас ұрпақты ұлттық рухта тәрбиелеу.
Колледждің 1курс студенттерінің қатысумен өткен іс шарада Ахмет ақын туралы бейнеролик көрсетіліп, ақын өмірінен мол мағлұмат берілді.
Сонымен қатар көрініс қойылып, апталықтың жоспары жарияланып, білімгерлерді апталыққа белсене араласуға шақырды.
