Осыған байланысты жылу беру маусымында адам қазасына жол бермеу және материалдық шығынды болдырмау мақсатында жылу пештеріңізді мұқият тексеріңіздер. Негізінен ереже бойынша пештің түтін жолдары 3 айда бір рет ыстан тазартылып отыру қажет. Пештің түтін жолдары үйдің негізгі құрылысынан дербес орналастырылады. Үйдің қабырғасы және жабуы қималарындағы жанбалы құрылыс материалдары мен түтін жолы аралығында бос аралық (противопожарная разделка) кесекпен қаланған көлемі 38 сантиметр, отқа қарсы төзімділік құраммен өңделген қорғағыш пайдаланғанда 25 сантиметрге дейін бос аралық қалдырылуы тиіс. Жылу пешінің алдындағы еден көлемі 50х70 сантиметр қаңылтыр қағылады. Жылу пешін еденнің бетіне орнатуға болмайды. Уақытша қолдан жасалған темір пештерін орнатқан жағдайда, темір пештерінің аяқтарының биіктігі 0,2 метрден кем болмауы тиіс, еденнің бетіне бір қатар кесек өріліп, батпақпен сыланып, содан кейін темір пеш орнатылады. Ағаш конструкцияларынан және ағаш жиһаздардан 1 метр қашықтықта, беті сыланған қабырғалардан 0,7 метр қашықтықта орнатылуы тиіс. «Өрт – тілсіз жау» деп бекер айтылмаған. Дұрыс салынбаған жылу пешінен, қыстың күні боранда пештің тартпай қалуы немесе саңылау-

ларынан от қашуы салдарынан өрт шығу қаупі болады. Пеш дұрыс жанбаған, түтін жолдары тартпаған немесе жан-жағынан жалын қашқан жағдайда тездетіп арнайы маманға көрсетіп алған дұрыс.

Құрметті тұрғындар! Бұл айтылып отырған ескертпелер, мысалдар Сіздердің қауіпсіздіктеріңіз үшін. Өз тұрғын үйіңізде өрт оқиғасын болдырмауға тырысыңыз. Өрт қауіпсіздігі ережелерінің барлық талаптарын қатаң сақтағандарыңыз абзал.