Жаңа құрылғы-бала денсаулығының кепілі

Қызылорда облыстық «Ана мен бала» орталығында заманауи медициналық құрылғылар мен оны игерген білікті неонатолог дәрігерлердің арқасында үш қадаққа жетер-жетпес салмақпен өмірге келген шараналардың қатарға қосылып, дені сау азамат болып өсіп жатқанын бұрын да айтып жүрміз. Шала туған нәрестелерге әр түрлі аурулардың да үйір болатыны жасырын емес. Соның бірі көз торы тамырларының жетілуінің бұзылуы. Келешек еліміздің азамаматы болар шақалақты зағип болып қалудан немесе көз мүкісімен өмір сүруден сақтау үшін алғашқы 72 сағатта офтальмолог дәрігерлердің көмек көрсетуі өте маңызды. Ол үшін баланың сондай ауруы бар екендігін анықтау да біршама уақыт алады. Енді бұл арта қалды. Облыстық «Ана мен бала» орталығына алынған «ретинопатиналды камера» деп аталатын озық үлгідегі жаңа медициналық құрылғы ауру белгілерін тез анықтауға мүмкіндік береді Бүгінге дейін 151 жаңа туған және шала туған нәрестелер жаңа құрылғы бойынша тексеруден өткен.